2864

Самал Еслямова Instagram желісінен ресми аккаунтын ашты

Актрисаның аккаунтына жазылушылар саны сағат санап көбейіп жатыр.
Фотография - Самал Еслямова Instagram желісінен ресми аккаунтын ашты Сурет: instagram.com/samal_yeslyamova

Канн кинофестивалінің жұлдызы Самал Еслямова Instagram желісіне тіркелді, деп хабарлайды Today.kz.

Актрисаның аккаунтына жазылушылар саны сағат санап көбейіп жатыр. 

Әзірге санаулы ғана сурет жүктелген. 

"Мен инстаграмдамын. Астана", – деп жазды актриса алғашқы суретіне. 

Екінші суретте Самал Еслямова Канндағы марапаттау рәсімінен кейінгі сәтін көрсеткен. Қасында актриса Кейт Бланшет және басқа да фестиваль қонақтары тұр.

Самал Еслямованың өз аккаунты екенін қазақстандық актер Санжар Мәдиев растады. 

"Самалдың ресми аккаунты  – @samal_yeslyamova (жаңа ғана аштық). Достар, қолдаңыздар. Басқа аккаунттардың бәрі – фейк", – деп жазды Санжар Мәдиев Instagram желісіндегі парақшасына.

Естеріңізге салайық, Самал Еслямова 71-Канн кинофестивалінде "ең үздік әйел рөлі үшін" әлемдік беделді сыйлыққа ие болды. Бұл марапатты ол ресейлік режиссер Сергей Дворцевойдың "Айка" фильміндегі басты рөлі үшін алды. 

Ал "Айка" фильмі жақында прокатқа шығады.