2989

Сочиде Димаш Құдайбергеннің микрофоны бірнеше секундқа өшіп қалды

Димаш ән айтып болған соң, көрермен оған гүлі мен қошеметін жаудырды.
Фотография - Сочиде Димаш Құдайбергеннің микрофоны бірнеше секундқа өшіп қалды Сурет: ru.hellomagazine.com

Қазақстандық әнші Димаш Құдайберген Сочиде өткен "Жаңа толқын – 2018" байқауында техникалық себептермен бірнеше секундқа өшіп қалған микрофонмен ән айтуға мәжбүр болды, деп хабарлайды Today.kz BNews.kz сайтына сілтеме жасап. 

Бірақ әнші өнерін жалғастыра берген. 

Димаш ән айтып болған соң, көрермен оған гүлі мен қошеметін жаудырды. Қазақстандық әнші сахнада тұрып бәріне алғыс білдірді. 

"Игорь Яковлевич (Крутой, – ред.), шақырғаныңызға рақмет! Қазақстанға келіңіздер, біз сіздерді жақсы көреміз!" – деді ол. 

Айта кетейік, Димаш Құдайберген "Жаңа толқын – 2018" байқауы аясында ұйымдастырылған A'Studio тобының концертінде фурор тудырған еді.