830

Димаш Құдайберген "Әлем аруы – 2018" байқауында ән айтады

Қазақстандық және әлемдік эстраданың жұлдызы қандай ән айтатыны әзірге белгісіз.
Фотография - Димаш Құдайберген "Әлем аруы – 2018" байқауында ән айтады Сурет ашық дереккөзден алынды

Қазақстандық әнші Димаш Құдайберген "Әлем аруы – 2018" байқауында ән айтады, деп хабарлайды Today.kz.

Бұл туралы әншінің әкесі Қанат Айтбаев айтты. 

"Шара барысында Димаш өнер көрсетеді. Бізді шақырды, Димаш финалда өз әнін айтатын болады", – деді ол.

Қазақстандық және әлемдік эстраданың жұлдызы қандай ән айтатыны әзірге белгісіз. 

Айта кетейік, Димаш жанкүйерлеріне Хайнаньға баратынын жариялады. Бұл жерде "Әлем аруы – 2018" байқауының финалы өтеді. Ол өзінің аталған байқауға баратынын Instagram желісі арқылы хабарлады. 

"Әлем аруы – 2018" байқауында Қазақстан намысын Екатерина Дворецкая қорғайды.