970

Екатерина Дворецкая "Әлем аруы – 2018" байқауында үздік отыздыққа кіре алмады

Енді Қытайдың Санья қаласы қазақстандық әнші Димаш Құдайбергеннің сахнаға шығуын күтуде.
Фотография - Екатерина Дворецкая "Әлем аруы – 2018" байқауында үздік отыздыққа кіре алмады Сурет ашық дереккөзден алынды

"Әлем аруы – 2018" байқауына Қазақстан атынан қатысқан Екатерина Дворецкая Қытайда өткен шарада өз өнерін көрсетіп болды, деп хабарлайды Today.kz.  

"Екатерина Дворецкая Қазақстанды лайықты түрде таныстырды, финалға өткен үздік отыздықтың қатарына кіре алмаса да біз онымен қатты мақтанамыз", – делінген "Қазақстан аруы" байқауының Instagram желісіндегі парақшасында. 

Енді Қытайдың Санья қаласы қазақстандық әнші Димаш Құдайбергеннің сахнаға шығуын күтуде. Димаш аталған байқауда хедлайнер ретінде өнер көрсетеді. 

Димаш Қытайға 5 желтоқсанда ұшып келді. Қазақстандық әншіні бір топ жанкүйері ыстық ықыласпен қарсы алды.