963

Димаш Құдайберген америкалық сайттағы интернет сауалнама жайлы айтты

Димаш Құдайберген "Дәуірдің үздік әншісі" дауыс беру шарасында қолдау білдірген жанкүйерлеріне алғыс білдірді.
Фотография - Димаш Құдайберген америкалық сайттағы интернет сауалнама жайлы айтты Сурет: kazakh-tv.kz

Димаш Құдайберген "Дәуірдің үздік әншісі" дауыс беру шарасында қолдау білдірген жанкүйерлеріне алғыс білдірді. Дауыс беру Ranker.com сайтында өткен болатын, деп хабарлайды Today.kz.

Қазақстандық әншінің есімі бірнеше сағаттың ішінде Фредди Меркьюри, Майкл Джексон, Фрэнк Синатра, Уитни Хьюстон сияқты әлемдік жұлдыздардың қатарына шықты. 

"Қымбатты достар! Бүгін әлдебір америкалық сайтта сауалнама жүріп, менің де есімімнің бар екенін білдім. Шын жүрегімнен дауыс беріп қолдағандарыңыз үшін алғыс білдіремін, бірақ бұл дауыс беру шарасының ешқандай байқауға, марапатқа, телевизиялық жобаға қатысы жоқ. 

Бұл жай ғана интернет сауалмана, ол ешқайда ештеңе шешпейді. Қашанда маған және қазақ халқына деген махаббаттарыңызға рақмет 

Шығармашылығымның осындай адал жанкүйерінің бар екені мен үшін үлкен құрмет. Мен сіздердің фанаттарыңызбын. Қазақстанға қош келдіңіздер. Сіздерді жақсы көремін", – деп жазды әнші.