1513

"Келінжан" телехикаясы Youtube желісінде 1 миллион рет көрілді

Картинаның оқиға желісі бойынша Күлімхан апаның үш ұл, бір қызы бар.
Фотография - "Келінжан" телехикаясы Youtube желісінде 1 миллион рет көрілді Сурет ашық дереккөзден алынды

"Хабар" арнасындағы "Келінжан" телехикаясы Youtube желісінде 1 миллион рет көрілді, деп хабарлайды Today.kz

Бұл туралы "Хабар" агенттігі басқарма төрағасының бірінші орынбасары Ринат Кертаев Instagram желісіндегі парақшасында жазды. 

"Келінжан" телехикаясы қазақ сериалдарының тарихында екі апта ішінде Youtube желісінде 1 миллион қаралым жинады", - делінген жазбада. 

Картинаның оқиға желісі бойынша Күлімхан апаның үш ұл, бір қызы бар. Ұлдардың кенжесі үйге келін алып келеді. Қалада өскен Асылым есімді ару ауыл өміріне үйреніп, енесіне ұнағысы келеді. Алайда Күлімхан апайдың мінезі ауыр, мұны ауылдағы әр адам біледі. Сондықтан болар оған ешкім жақпайды, келіндерінің бірі де қатал ененің көңілінен шықпайды. Сондай күндердің бірінде Күлімхан апаның өз қызы тұрмысқа шығады. Қызы өзге үйдің түтінін түтетіп, келін атанған кезде қатал ененің көзқарасы өзгере бастайды. 

Картинада Лейло Бекназар, Рүстем Жанаманов, Назар Сұлтанбаев, Дариға Бадықова, Нұргүл Мыңбаева, Дәулет Өсербаев, Сара Амангелді сынды актерлер ойнайды.

Сериалдың бір эпизодында Мейрамбек Бесбаев ауыл музыканты рөлін сомдаған.