1680

Самал Еслямова "Азияның үздік актрисасы" атанды

Самал жүлдені "Айка" фильміндегі рөлі үшін алған.
Фотография - Самал Еслямова "Азияның үздік актрисасы" атанды Сурет: facebook/@Asian Film Awards Academy

Қазақстандық актриса Самал Еслямова Asian Film Awards Academy жүлдесінде "Азияның үздік актрисасы" атанды, деп хабарлайды Today.kz.

Самал жүлдені "Айка" фильміндегі рөлі үшін алған.

Қазақстандық актрисаның кезекті жеңісі туралы Facebook желісіне ҚР мәдениет және спорт министрі Арыстанбек Мұхамедиұлы жазды. Ол бұл жағымды жаңалықты "Айка" фильмінің режиссері Сергей Дворцевойдан естіген. 

"Арыстанбек Мұхамедиұлы, қайырлы кеш! Самал екеуміз Гонконгтамыз, бұл жақта Азия кино академиясының жүлдесі өтіп жатыр. Самал жаңа ғана "Айка" фильмі үшін "Азияның үздік актрисасы" атанды", - деп жазған Сергей. 

Арыстанбек Мұхамедиұлының сөзінше, Asian Film Awards Academy азиаттықтар арасында "Оскар" жүлдесіне тең. Министр өз кезегінде шығармашылық топты жеңістерімен құттықтады. 

Естеріңізге салайық, Самал Еслямова 71-Канн кинофестивалінде "Айка" фильміндегі үздік әйел рөлі үшін жүлдеге ие болған еді.