395

Игорь Крутой Ержан Максимді музыка академиясына оқуға шақырды

Өнерпаздың сөзінше, Игорь Крутоймен Ресейдегі Қазақстан елшілігінде танысқан.
Фотография - Игорь Крутой Ержан Максимді музыка академиясына оқуға шақырды Сурет: instagram/@maksim_erjan

Ресейлік танымал сазгер және продюсер Игорь Крутой қазақстандық жас өнерпаз Ержан Максимді өзінің музыка академиясына оқуға шақырды, деп хабарлайды Today.kz.

Бұл жаңалықты Ержан Instagram желісіндегі парақшасы арқылы хабарлады. Өнерпаздың сөзінше, Игорь Крутоймен Ресейдегі Қазақстан елшілігінде танысқан. Ол жаққа Ержан ҚР-ның РФ-дағы елшісі Иманғали Тасмағамбетовтың шақыртуымен барған. Иманғали Тасмағамбетов Ержанды композиторға таныстырған. 

"Достар, Мәскеуге жасаған сапарым сәтті болды. Неге дейсіз ғой, мен ең алдымен, еліміздің атпал азаматы Иманғали Нұрғалиұлымен кездестім. Сол кездесуіміздің нәтижесі ретінде көптен бері армандап жүрген атақты композитор, продюсер Игорь Крутоймен таныстым. Мені студияда тыңдаған маэстро мені ұнатып, өзінің музыкалық академиясына шақырды. Мен қуана келістім. Енді достар, күзден бастап сол жерде вокал бағыты бойынша өнерімді шыңдайтын боламын. Әрине, мұның барлығы Иманғали ағамыздың арқасы деп білемін. Осындай азаматтардың арқасында шығармашылығым жалғасып, жемісін беретініне сенімім мол", – деп жазды Ержан Максим. 

Загрузка...