1690

Димаш Құдайберген 25 жасқа толып жатыр

Today.kz редакциясы өз кезегінде Димашты туған күнімен құттықтап, оған зор денсаулық, ұзақ ғұмыр тілейді.
Фотография - Димаш Құдайберген 25 жасқа толып жатыр Сурет ашық дереккөзден алынды

24 мамыр Димаш Құдайберген 25 жасқа толып жатыр, деп жазады Today.kz.

Аталған күнге орай әншінің өзі тыңдармандарына алғашқы жеке альбомының қай уақытта шығатынын жариялады. 

"Туған күнімнің құрметіне алғашқы жеке альбомымның қай күні шығатынын жариялаймын. 14.06.2019", – деп жазды әнші Instagram желісіндегі парақшасына. 

Димаштың өзі дәл қазір Қазақстанда, Ақтөбе қаласында. Бұл туралы әншінің әжесі Миуа Низамуддинова Instagram желісіндегі парақшасы арқылы хабарлады

"Дикомыз туған күнінде өз үйінде. Алтыным, ұзақ ғұмыр тілейміз", – деді ол. 

Димаш Қанатұлы 1994 жылдың 24 мамырында Ақтөбеде дүниеге келген. Ата-анасы – Қазақстан Республикасының мәдениет қайраткерлері Қанат Құдайбергенұлы мен Светлана Айтбаева.

Today.kz редакциясы өз кезегінде Димашты туған күнімен құттықтап, оған зор денсаулық, ұзақ ғұмыр тілейді.