814

Аружан Ардақ "Детская новая волна" байқауында Қазақстан намысын қорғады

"Артек" балалар орталығында Халықаралық "Детская новая волна-2019" балалар байқауы мәресіне жетті.
Фотография - Аружан Ардақ "Детская новая волна" байқауында Қазақстан намысын қорғады Сурет: баспасөз қызметі

"Артек" балалар орталығында Халықаралық "Детская новая волна-2019" балалар байқауы мәресіне жетті. Қазақстан атынан бұл байқауда "Аялаған Астана" Республикалық балалар байқауының жеңімпазы Аружан Ардақ өнер көрсетті, деп хабарлайды Today.kz Нұр-Сұлтан қаласының Мәдениет және спорт басқармасының баспасөз қызметіне сілтеме жасап. 

Байқауға әлемнің 8 мемлекетінен 11 жас орындаушы қатысты. Аружан Деми Ловатоның репертуарынан "Warrior" және Полина Гагаринаның репертуарынан "Танцуй со мной" әндерін орындады.

Халықарылық қазылар алқасының дауыстары нәтижесінде Аружан үздік бестікке кірді. Басты сыйлықты Ресейдің екі бірдей әншісі Алиса Голомысова мен Денберел Ооржак бөлісті. Екінші орынды Беларусиялық Ярослав Соколиков иемденді. Ал үшінші орынға Өзбекстандық Милана Пак сай деп танылды.  

Халықаралық қазылар алқасына танымал әртістер мен музыканттар кірді. Олардың ішінде Лев Лещенко, Олег Газманов, Николай Басков, Игорь Крутой, Юлия Савичевалар бар.