546

Димаш Құдайберген "Арнау" концертінен кейін тыңдармандарына алғыс айтты

Димаш "Arnau - Dimash Kinetic Voice" атты шоу бағдарламаға қатысы бар адамдарға рақметін айтты.
Фотография - Димаш Құдайберген "Арнау" концертінен кейін тыңдармандарына алғыс айтты Сурет: Sputnik Қазақстан

Димаш Құдайберген Елордада өткен "Арнау" концертінен кейін тыңдармандарына алғыс айтты, деп жазады Today.kz.

"Барша отандастар, алыс - жақын шет елден келген менiң құрметті тыңдармандарым! #dears. Еліміздің Елордасында жасаған концертімiз өз мәресiне жетті. Келген барша көрермен қауым, сіздерге мың алғыс! Мен әрқашан шетелде жүргенде "Қазақстанға, келiңiздер!"деген шақыруымды қабыл алған қонақтарға шын жүректен ризашылығымдыайтқым келеді! Елiмiздiң керегесі мықты болып, барша әлемде бейбітшілік әуенi шырқалсын!" – деп бастайды сөзін Димаш. 

Әрі қарай "Arnau - Dimash Kinetic Voice" атты шоу бағдарламаға қатысы бар адамдарды да ұмытпаған. 

Димаштың сөзінше, аталған концерттің өтуіне 500-ден астам адам атсалысқан. 

Естеріңізге салайық, 29 маусымда Нұр-Сұлтан қаласында Димаштың "Арнау" атты концерті өтті. Шараны ұйымдастырушы Qazaqstan арнасының мәліметінше, 35 мың орындық "Астана Арена" сарайына әлемнің 65 елінен тыңдармандар жиналған. Оның ішінде АҚШ, Ұлыбритания, Бразилия, Мексика, Канада, Австралия, Швейцария, Малайзия, Сингапур, Африка, Египет, Израиль және Марокко сынды алыс мемлекеттердің тұрғындары бар.