Шымкентте қылмыстық топтың мүшелері қолға түсті

Фотография - Шымкентте қылмыстық топтың мүшелері қолға түсті

Шымкенттегі Абай АІІБ-нің қызметкерлері қылмыстық топтың көзін жойды.

290 0

Шымкенттегі Абай АІІБ-нің қызметкерлері қылмыстық топтың көзін жойды.

Тәртіп сақшыларының берген мәліметтері бойынша, полицияға бір нұсқа бойынша әрекет еткен қылмыскерлердің үстінен тұрғындардың шағымдары көбейіп кетті. Зардап шегушілер мәлім еткендей, олар қала көшелерінде соққыға жығылып, қалталарындағы барынан айырылып қалып отырған. «Мерседес» көлігінің жүргізушісі басқа серіктесімен бірігіп, көлікке отырған адамды ұрып-соғып, құнды заттарын тартып алып отырған.

Шымкенттегі Абай АІІБ-нің қызметкерлері жедел-іздестіру шарасының барысында екі күдіктіні ұстады. олар 1988 жылы туылған Шардара ауданының тұрғындары болып шықты.  

Тексеру амалдарынан белгілі болғандай, ұсталған жас жігіттер кешке және түнде «жұмыс істеген».

Олардың алты қарақшылық және тонау оқиғаларына қатысы бар екендігі анықталды. «Тонау» және «Қарақшылық» баптары бойынша қылмыстық іс қозғалды.

Заттық айғақ ретінде полицейлер ондаған қалта телефоны, травматикалық қару мен автомагнитофон алды.

Қазіргі уақытта қылмыстық топтың үшінші сыбайласы іздестірілуде. Тексеру амалдары жүргізілуде.



Загрузка...

Пікір (0)

Input is not a number!
Input is not a email!
Input is not a number!