594

Гинеколог Алматыда есірткі тасымалдаушы әйелді ұстауға көмектесті

Гинеколог дәрігердің қатысуымен жасалған тексеріс кезінде әйелден салмағы 109,42 грамм героин тәркіленген
Фотография - Гинеколог Алматыда есірткі тасымалдаушы әйелді ұстауға көмектесті

Гинеколог дәрігер жедел қызмет өкілдеріне Алматы-Бішкек жолында үлкен көлемде есірткі жасырып өтпекші болған әйелді ұстауға көмектесті, деп хабарлайды ҚР ІІМ есірткімен күрес жөніндегі комитетінің баспасөз қызметі.

2013 жылдың 8 ақпанында есірткімен күрес комитетінің қызметкерлері Алматы-Бішкек күре жолының 13-ші шақырымындағы "Аян" бекетінде Ауди 80 көлігін тоқтатқан. Машинада отырған жолаушы - бұрын ұрлық жасағаны үшін сотталған әйел күдікті көрінген соң жедел қызмет өкілдері тінту жүргізген.


Гинеколог дәрігердің қатысуымен жасалған тексеріс кезінде әйелден салмағы 109,42 грамм героин тәркіленген.

Аталған факті бойынша қылмыстық іс қозғалып, күдікті уақытша ұстау изоляторына қамалған.

Загрузка...