Төбелестің соңы ағайынды екі жігіттің өлімімен аяқталды

Фотография - Төбелестің соңы ағайынды екі жігіттің өлімімен аяқталды

Баянауыл ауданының Жуантөбе ауылында 22 және 23 жастағы ағалы-інілі екі жігіттің мәйіті табылды.

131 0

Баянауыл ауданының Жуантөбе ауылында 22 және 23 жастағы ағалы-інілі екі жігіттің мәйіті табылды.

Олардың кеуделерінде бытыралы оқ жарақаты бар екені анықталды. Бұл туралы Павлодар облыстық ІІД баспасөз қызметінен хабарлады.

Тәртіп сақшылары қылмысты ізін суытпай әшкереледі. Бұған дейін сотталмаған, жұмыссыз 1992 жылғы жігіт қолға түсті. Ол өзінің кінәсін мойындап отыр.

Тергеу жұмыстарының барысында 8 шілде күні 19 сағат шамасында жапа шеккендер мен күдіктінің арасында жанжал туындаған. Келеңсіз жайт жігіттің ағайындылардың бірімен отырып амандасуынан басталған. Сол күні сағат 23.00 кезінде достарын ертіп алған ағайындылар таныстарымен бірге отырған әлгі «тәртіпсіздің» үйіне келген. Шақырылмаған меймандар жігіттерді тепкінің астына алды. Осы сәтте күдікті ағайындыларға қарай мылтық кезеніп, екі рет атқан.

Қазіргі таңда адам өлімі бойынша қылмыстық іс қозғалып, тергеу жұмыстары жүргізілуде.


Загрузка...

Пікір (0)

Input is not a number!
Input is not a email!
Input is not a number!