Кәсіпкер облыс әкімін айыптағанына өкінді

Фотография - Кәсіпкер облыс әкімін айыптағанына өкінді

Батыс Қазақстандағы кәсіпкер, "салық төлеуден жалтарды" деп айыпталып, қамауда отырған Барлық Меңдіғазиев Батыс Қазақстан облысы әкімінің атына айтқан айыптарынан бас тартты

943 0


Батыс Қазақстандағы кәсіпкер, "салық төлеуден жалтарды" деп айыпталып, қамауда отырған Барлық Меңдіғазиев Батыс Қазақстан облысы әкімінің атына айтқан айыптарынан бас тартты .

Астанада өткен брифингте "Атамекен" ұлттық экономикалық палатасы төрағасының бірінші орынбасары Рақым Ошақбаевтың айтуынша, Меңдіғазиев "қызуқандылықпен және үшінші бір адамдардың арандатуымен облыс әкімі Нұрлан Ноғаевтың атына негізсіз айып таққанына өкінетінін" айтып, палатаға хат жазған - деп хабарлады  azattyq.org

"Атамекен" басшысының орынбасарының сөзінше, соттың салық дауына қатысты шешімі күшіне енгендіктен, Меңдіғазиев тиісті салық төлемдерін төлеп тастаған.

"Осы жайттарды ескере келе біз Барлық Меңдіғазиевтің бұдан ары қамауда отыруын негізсіз және ол тергеу абақтысынан дереу босатылады деп санаймыз" дейді Рақым Ошақбаев.

250 жұмысшысы бар "KSS building" кәсіпорнының басшысы Барлық Меңдіғазиевке "ірі көлемде салықтан жалтарды" деген айып тағылған еді. Бұған дейін ешқайда кетпейтіні туралы қолхат берген кәсіпкер шілденің 12-сі күні Алматыға барғаны, яғни Оралдың жанындағы Ақсай қаласы аумағынан шығып кеткені үшін 22 шілдеде Бөрілі аудандық сотының шешімімен қамауға алынған.

Бірақ Барлық Меңдіғазиев өзінің тексеріске түсуіне "облыс әкімімен арада туған жанжал және экология туралы мәлімдемелері әсер еткенін" айтқан. Кәсіпкер шілденің 12-сі күні Алматыда баспасөз жиынын өткізіп, "өзіне қарсы қозғалып жатқан қылмыстық істің артында Батыс Қазақстан облысы әкімі Нұрлан Ноғаев тұр" деп мәлімдеген еді. Бірақ әкімдік оның бұл сөздерін жоққа шығарады.

 


Тегтер:

полиция сот

Загрузка...

Пікір (0)

Input is not a number!
Input is not a email!
Input is not a number!