Қарағандыда такси жүргізушісіне шабуыл жасалды

Фотография - Қарағандыда такси жүргізушісіне шабуыл жасалды

Қарағандыда «әмбебап полицейлер» такси жүргізушісіне шабуыл жасауда күдікті үш азаматты ізін суытпай ұстады, деп хабарлайды облыстық ІІД баспасөз қызметінен

274 0

Қарағандыда «әмбебап полицейлер» такси жүргізушісіне шабуыл жасауда күдікті үш азаматты ізін суытпай ұстады, деп хабарлайды облыстық ІІД баспасөз қызметінен.

«9 қарашада кешкісін жеке такси болып нәпақасын тауып жүрген «Ауди-90» автокөлігінің 35 жастағы жүргізушісі көшеде үш адамды көлігіне отырғызған. Барлық жолаушылар артқы орындарға жайғасады. Вагонная көшесіне келе бергенде олар арттан жүргізушіге тап беріп, қылқындырмақ болады. Ер адам қаскөйлерден қашып құтылып, полицейлерге шабуыл жөнінде хабарлады», - деді ІІД баспасөз қызметінде.

Оқиғаға байланысты барлық жеке құрамға нұсқау жіберілді.

Шабуылдаушылар мінген «Ауди-90» автокөлігін Пичугин көшесінде ЖПП автопатрулі байқап қалып, ізіне түседі.

«Қуғыннан құтылмақ болған күдіктілер полицейлік «УАЗ» автомобиліне соқтығысады. Содан соң ұрылған көлікті тастап, жігіттер жан-жаққа қашты. Полицейлер самбо әдістерін қолдана отырып, қылмыскерлерді ұстады», - деп атап өтті облыстық ІД баспасөз қызметінде.

Ұсталғандар - 28 жастағы үш жұмыссыз азамат - біреуі Қарағанды қаласының, екеуі Ақтас кентінің тұрғындары.

«Ұсталғандар барлығын мойындады, оларға қатысты қылмыстық іс қозғалды, тергеу жұмыстары жүргізілуде. Олар уақытша ұстау изоляторына тоғытылды», - деп түйіндеді облыстық ІД баспасөз қызметінде.


Загрузка...

Пікір (0)

Input is not a number!
Input is not a email!
Input is not a number!