713

Алматыда жалған құжатпен Ұлыбританияның үш азаматы ұсталды

ҚР ҰҚК ШҚ баспасөз қызметінің мәліметінше, шекара қызметінің "Алматы" бақылау-өткізу бекетінде (Алматы әуежайы) "Дубай - Алматы" бағытындағы "FZ-701" рейсімен келген Ұлыбританияның үш азаматы ұсталды.
Фотография - Алматыда жалған құжатпен Ұлыбританияның үш азаматы ұсталды

ҚР ҰҚК ШҚ баспасөз қызметінің мәліметінше, шекара қызметінің "Алматы" бақылау-өткізу бекетінде (Алматы әуежайы) "Дубай - Алматы" бағытындағы "FZ-701" рейсімен келген Ұлыбританияның үш азаматы ұсталды.

Аталған азаматтардың қол жүктерін қарау кезінде Ауғанстан Ислам Республикасының төлқұжаттары және Пәкістан Республикасының идентификациялық карточкалары табылды.

Алдын ала анықтау кезінде бұлардың Ауғанстан Ислам Республикасының азаматтары ретінде Ауғанстаннан Дубайға ұшып келгендігі белгілі болды.

Дубайдағы транзиттік зонада жүріп, белгісіз адамдардан Ұлыбритания төлқұжатын алған. Сол арқылы Қазақстан Республикасына ұшып келіпті. Мақсаттары Қазақстан аумағын өткел ретінде пайдаланып, бір-екі күннен кейін Европаға ұшып кету болған.

Енді аталған азаматтар қайтадан Дубайға депортацияланады.

 

BNews.kz

 

Загрузка...