Түркістанның орталығында 2 қабатты шайхана өртенді

Фотография - Түркістанның орталығында 2 қабатты шайхана өртенді

Кеше кешкі сағат жетілер шамасында Түркістанның орталығында орналасқан "Керуен Сарай" шайханасы өртеніп кетті деп хабарлайды ОҚО ТЖД баспасөз қызметі.

342 0

Кеше кешкі сағат жетілер шамасында Түркістанның орталығында орналасқан "Керуен Сарай" шайханасы өртеніп кетті деп хабарлайды ОҚО ТЖД баспасөз қызметі. 

Шайхана жеке кәсіпкерге тиесілі 2 қабатты ғимаратқа жапсарлата салынған. Қызыл жалыннан нысанның сау жері қалған жоқ. Өрт барлығы 600 шаршы метр жерді шарпыған. Абырой болғанда, тілсіз жаудан ешкім зардап шекпеді.

Өртті сөндіруге Оңтүстік Қазақстан облысы Төтенше жағдайлар департаменті "Өрт Сөндіру және авариялық-құтқару жұмыстары қызметі" ММ-нің 70 қызметкері, 10 бірлік техникасы және Түркістан қаласының сушаруашылығы мекемесінің 3 бірлік су тасымалдау көлігі мен 1 бірлік тракторы жұмылдырылды. Өрт сөндірушілердің сауатты іс-әрекетінің арқасында тілсіз жау 20 сағат 13 минутта ықшамдалып, 21 сағат 50 минутта толық сөндірілді.

Өрттің шығу себебі мен материалдық шығын көлемін ОҚО ІІД Түркістан қаласының Ішкі істер басқармасы мен ОҚО ТЖД Түркістан қаласы Төтенше жағдайлар басқармасының мамандары анықтау үстінде. 



Загрузка...

Пікір (0)

Input is not a number!
Input is not a email!
Input is not a number!