Алматыда 23 жастағы мас жүргізуші әйелді қағып өлтірді

Фотография - Алматыда 23 жастағы мас жүргізуші әйелді қағып өлтірді

"ВАЗ 21070" маркалі көлігі Сейфуллин көшесімен солтүстік бағытта келе жатып, Ақпаев көшесімен қиылыста жаяу жүргін жолымен келе жатқан 54 жастағы әйелді қағып кеткен.

337 0

Алматыда 23 жастағы жүргізуші әйелді қағып өлтірді. Бұл туралы қалалық ІІД баспасөз қызметі хабарлады. 

Жол апаты бүгін таңғы 8 шамасында Түрксіб ауданында болған. "ВАЗ 21070" маркалі көлігі Сейфуллин көшесімен солтүстік бағытта келе жатып, Ақпаев көшесімен қиылыста жаяу жүргін жолымен келе жатқан 54 жастағы әйелді қағып кеткен.
Әйел басынан жарақаттанып, оқиға орнында көз жұмды.

"Адамды басып кеткен соң да көлік тоқтамай қарама қарсы беттегі "ВАЗ-2114" көлігімен соқтығысқан. Одан соң жүргізуші көлікті сол жерде қалдырып, өзі қашып кеткен. Бірнеше сағаттан соң қашқын туысқандарының үйінде тығылып жатқан жерінен ұсталды", - деді Алматы ІІД басқарма басшысы Рустам Әбдірахманов.

Оның айтуынша, жүргізілген сараптама көрсеткендей, Іле ауданының 23 жастағы тұрғыны мас болып шықты.

Қазір ҚР ҚК 128-бабына сәйкес жүргізуші уақытша ұстау изоляторына қамалды. Тергеу амалдары жалғасуда.

Қажетті сараптамалар тағайындалды.



Загрузка...

Пікір (0)

Input is not a number!
Input is not a email!
Input is not a number!