1302

Қызылордада 6 үйді үптеп кеткен ұрылар ұсталды

Олар бірнеше айдан бері 6 үйді тонаған.
Фотография - Қызылордада 6 үйді үптеп кеткен ұрылар ұсталды
Қызылордада пәтер ұрлығымен айналысқан әккі ұрылар ұсталды.
Жеңіл жолмен пайда табуды көздегендер 20-25 жастағы өрімдей жастар. Бұл екі азамат ақша, бағалы бұйымдар, асыл тастар мен әшекей бұйымдарды қолды етіп отырған. Полицейлер күдіктілердің көлігін тінту барысында осындай айғақ заттарды тәркіледі. Келтірілген шығынның жалпы көлемі 6 млн теңгеге жуықтайды. Гүлжаһан Қайырбергенова, облыстық ІІД баспасөз қызметінің жетекшісі: - Орын алған қылмыстар бойынша ҚР Қылмыстық кодексінің 188-бабы, 2,3-бөлігі бойынша қылмыстық іс қозғалып, сотқа дейінгі тергеп-тексеру амалдары жүргізілуде. Екі күдікті азамат та Қызылорда ҚІІБ-ның уақытша ұстау изоляторына қамауға алынып, сезіктілердің басқа да қатыстылығын анықтау мақсатында тиісті жұмыстар жасалуда.