Маңғыстау облысында нөсер жаңбыр үйлерді шайып кетіп жатыр

Фотография - Маңғыстау облысында нөсер жаңбыр үйлерді шайып кетіп жатыр

"Қазгидромет" болжамына, өңірде сейсенбіде және алдағы күндері ауа райы жауын-шашынды болады.

297 0

Маңғыстау облысының Мұнайлы ауданында нөсер жаңбыр үйлерді шайып кетіп жатыр, деп хабарлайды newskaz.kz облыс әкімдігінің баспасөз қызметіне сілтеме жасай отырып. 

"Қазгидромет" болжамына, өңірде сейсенбіде және алдағы күндері ауа райы жауын-шашынды болады. 

Осыған байланысты аталған аудандағы бұған дейінгі нөсер жауынның салдарын жою жөніндегі жедел штаб Атамекен селолық округінің көшелері мен аулаларын судан құрғату бойынша бірқатар алдын алу шараларын қолға алды.

"Жауын суы жиналатын учаскелер айқындалды. Арнайы техникамен бригада суды айдау жұмыстарына кірісті. Штаб мүшелері арықтар мен арналардың өтімділігін тексеріп жатыр. Бүгін, 15 наурыз күні көше тазалау жұмыстары жалғасты. Үйілген лай, батпақ тазартылып, жолға құм қоспасы төселеді", — деп хабарлады аудан әкімі Н. Тәжібаев.

Штабтың мәліметінше, жалпы су басқан аймақта 12 үй қалды. 

"Атамекен ауылындағы №7 мектептің спорт залында су басуы мүмкін аймақ тұрғындары үшін кереуеттер қойылып, ыстық тағам ұйымдастырылды. Маңғыстау ауылында үйлері тұруға жарамай қалғандар үшін жатақхана дайындалды. Бұдан басқа, Маңғыстау облысы бойынша ТЖД-дан екі жылжымалы пункт келді. Тәулік бойы Call-орталық жұмыс істейді. 34-00-65 нөмірі бойынша тұрғындар су басу жағдайы туралы хабарлай алады", — деді Тәжібаев.







Загрузка...

Пікір (0)

Input is not a number!
Input is not a email!
Input is not a number!