Көкшетауда полицейлерге шабуыл жасағандар ұсталды

Фотография - Көкшетауда полицейлерге шабуыл жасағандар ұсталды

Олар 1985 және 1984 жылғы жергілікті тұрғындар болып шықты.

309 0

Көкшетауда арнайы іздестіру шарасы кезінде полицияның 2 қызметкеріне шабуыл жасаған күдіктілер ұсталды. Олар 1985 және 1984 жылғы жергілікті тұрғындар болып шықты.

Күдіктілердің бірі бұған дейін істі болған. Олардың тапаншаны қолдан жасағаны және травматикалық қаруды 9 миллиметр калибрлі оқпен атуға бейімдеп, қайта құрағаны анықталды. Олар оқиға болған жерге қарудың жарамдылығын тексеру үшін келдік деп отыр.

Еске сала кетсек, мамырдың 16-сы күні қолында тапаншаға ұқсас қару ұстаған азаматтарды байқаған қос полицей "ВАЗ 21-14" автокөлігінде отырған олардан мән-жайды сұрамақ болғанда ауыр жарақат алған болатын. Қазір тәртіп сақшылары облыстық аурухананың хирургия бөлімшесінде жатыр.

24.kz


Загрузка...

Пікір (0)

Input is not a number!
Input is not a email!
Input is not a number!