1126

Ақтөбедегi теракт: Ауыр халдегi 9 адамның бесеуiнiң жағдайы жақсарды

Министрдiң айтуынша, қарулы қақтығыста жараланып, ауруханаға түскендер саны қазiр бұрынғыдай.
Фотография - Ақтөбедегi теракт: Ауыр халдегi 9 адамның бесеуiнiң жағдайы жақсарды

Ақтөбелегi қарулы қақтығыс салдарынан жараланып, ауруханада ауыр халде жатқан тоғыз адамның бесеуiнiң жағдайы жақсарды. Бұл туралы Мәжiлiстiң жалпы отырысынан кейiн ҚР Денсаулық сақтау және әлеуметтiк даму министрi Тамара Дүйсенова журналистерге айтты, деп хабарлайды BNews.kz.

"Кеше әкiм хабарлағандай, ауыр халдегi 9 адам болды. Қазiр төрт адамның жағдайы ауыр. Құдайға шүкiр, бес адамның денi жақсарды. Қазiр төрт адамның жағдайын бақылап отырмыз", - дедi Т.Дүйсенова.

Министрдiң айтуынша, қарулы қақтығыста жараланып, ауруханаға түскендер саны қазiр бұрынғыдай.

"Бүгiнде операция жасалған адамдардың денсаулығын назарымызда ұстап отырмыз. Олардың жағдайы қалыпты", - деп толықтырды ол.