Алматыдағы теракт кезінде жалған ақпарат таратушылар ұсталды

Фотография - Алматыдағы теракт кезінде жалған ақпарат таратушылар ұсталды

Олар ЖОО студенті мен жас жігіт болып шықты.

587 0


Алматыдағы теракт кезінде жалған ақпарат таратқан екі күдікті қылмыстық жауапкершілікке тартылуы мүмкін, деп жазады Today.kz  қалалық ІІД баспасөз қызметіне сілтеме жасап. Криминалды полиция мәліметінше, жалған ақпарат таратушылардың тұлғалары сот алды тергеу шеңберіндегі жедел шаралар кешені нәтижесінде анықталды.

"Қоғамдық үрей тудырған арандатушылар қатарында 1995 жылы туған азамат Ч., қыз бала ЖОО-лардың бірінде білім алады. Ол City Plus сауда үйінде адамдар кепілге алынды және адам шығындары бар деп жазған. Ал екінші күдікті азамат А., 1993 жылы туған. Ол қаланың төмен жағында қарулы 100 адам көшедегілерді атып жатыр деген ақпарат таратқан. Екі күдікті ұсталды, қазір куәлік беріп жатыр. Оларға қатысты ҚР ҚК 274-бабының 2-тармағы бойынша сот алды тергеу жүргізілуде. Жақын уақытта оларға бұлтарпау шарасы таңдалады", - дейді Салтанат Әзірбек.

Сонымен қатар, полицияда жалған ақпарат таратқан өзге тұлғаларды анықтау бойынша жедел-іздеу шаралары жалғасып жатқандығын атап өтті.

18 шілде күні Алматыда теракт болды. Атыс туралы алғашқы ақпараттар 11:00-де келе бастады. Желі мен месенджерлер жалған ақпарат жазылған хабарлама мен аудиофайлдарға толып кетті. Бұл ресми ақпараттың 1,5 сағаттан кейін ғана келе бастауынан орын алды.



Загрузка...

Пікір (0)

Input is not a number!
Input is not a email!
Input is not a number!