Астанадағы бір үйдің ауласында екі баланы Hummer басып кетті

Фотография - Астанадағы бір үйдің ауласында екі баланы  Hummer басып кетті

Фото жеке мұрағаттан алынды

Зардап шеккен баланың бірі реанимацияда жатыр.

800 0


Астанадағы аулалардың бірінде Hummer автокөлігі басып кеткен екі бала ауруханада жатыр,-деп хабарлайды Today.kz. Оқиға 16 тамыз күні сағат жетілер шамасында Жәнібек Тархан көшесіндегі 9-ыншы үйдің ауласында болған.

Куәгерлердің айтуынша, үш бала аулада орналасқан футбол алаңы мен подъезд арасындағы жолда келе жатқан. Қатты келе жатқан Hummer екі баланы басып кетеді.  Олардың бірі 10 жасар Антон Силаев қазір реанимацияда хал үстінде жатыр. Баланың екі аяғы да сынып, бауыры езіліп кетсе керек. 

«Оқиға аулада болды. Мен жүргізуші қатты жүріп келіп, екі баланы қалай басып кеткенін білмеймін. Менің ұлымның жағдайы қиын, екі аяғы сынды. Оларды соққан Hummer-дің номері "001". Бәрі балаларға көмек көрсетіп жатқанда, жүргізуші полицияға арыз жазған. Ол не жазғанын білмеймін», - дейді Антонның анасы Анастасия Ли.

Баланың шешесі әлеуметтік желі арқылы куәгерлерден ЖКО-сы туралы ақпарат сұраған.

Болған оқиғаны Астана ІІД баспасөз қызметі растап отыр.

«Автокөлік жүргізушісінің үстінен ҚР ҚК-нің 345-інші, яғни «ЖЖЕ бұзу немесе көлік құралының эксплуатациясы» бабы бойынша соталды тергеу басталды. Зардап шеккен бір бала ауруханада, ал екіншісі медициналық тексеруден кейін уйге жіберілді», - дейді ведомстводағылар.   

Қазір жүргізуші көлігі айыптұрақта. Тергеу жүргізіліп жатыр. 



Загрузка...

Пікір (0)

Input is not a number!
Input is not a email!
Input is not a number!