Құлаған тікұшақтың ішінде болған мұнайшылардың бірі ауруханадан шығарылды

Фотография - Құлаған тікұшақтың ішінде болған мұнайшылардың  бірі ауруханадан шығарылды

Фото: ©Арман Мұқатов

Қарағанды облысы Ұлытау ауданында апатқа ұшыраған тікұшақта болып, зардап шеккен өзге үш адам әлі ауруханада жатыр.

170 0

Тікұшақ апатынан зардап шеккен адамдардың біреуі Қызылорда қалалық ауруханасынан шығарылды, - деп хабарлайды  Today.kz Қызылорда облыстық денсаулық сақтау басқармасы баспасөз хатшысы Нұржамал Тұрсынбаеваға сілтеме жасап.

«Жарақат алған төрт адамның біреуі ауруханадан шықты. Оның денсаулығы жақсы. Қалған үшеуі ауруханада. Олардың бәрінде жабық бас сүйек-ми зақымы бар. Жалпы, бәрінің жағдайлары жақсарып келеді»,-деп хабарлады Нұржамал Тұрсынбаева.

Естеріңізге салайық, қыркүйектің жетісі күні сағат 15:50 Қарағанды облысындағы Ұлытау ауданында "Евро Азия Эйр" авиакомпаниясының Ми-8Т тікұшағы құлап, өртенген еді. Бортта үш экипаж мүшесі, "КазТрансОйл" компаниясының 19 жұмыскері болған еді. Нәтижесінде төрт жолаушы түрлі жарақат алып, ауруханаға түскен болатын.

Сол күні Қызылорда облысында құлаған тікұшақтың себебін анықтау мақсатында арнайы комиссия құрылды. Қыркүйектің 8 күні тікұшақтың төңкерілуіне байланысты ҚР ҚК 344-інші бабы (әуе көлігінің қауіпсіздігін сақтау ережелерінің бұзылуы) бойынша соталды тергеу басталды. 



Загрузка...

Пікір (0)

Input is not a number!
Input is not a email!
Input is not a number!