Ақтауда зорланған алты жасар Вика өлім аузында жатыр

Фотография - Ақтауда зорланған алты жасар Вика өлім аузында жатыр

Фото: today.kz

Ана мен бала орталығы мамандары ауыр болжам жасап отыр.

846 0

Ақтауда зорланған алты жасар Виканың хәлі күрт төмендеп кетті. Астаналық ана мен бала орталығының мамандары ауыр болжам жасап отыр, -деп хабарлайды Today.kz, КТК телеарнасына сілтеме жасап.

Дәрігерлердің сөзінше, сәбидің өмірі бұрынғыдай электронды аппарат арқылы сақталып тұр. Баланың ағзасы осы уақытқа дейін қандай да бір реакция жасаған емес. Ата-анасы үміт артқан шетелдік мамандардың да септігі тимеген.

«Баланың жағдайы осы уақытта өте ауыр. Өлім аузында жатыр. Үшінші дәрежедегі кома деп бағаланып отыр. Миының жұмысын тексеру мақсатында тиісті барлық тесттер жасалып, бала миының өлімін көрсететін барлық белгілер табылды. Баланың осындай күйде жатқанына алты апта болды. Жақсы күтім жүргізіліп жатыр, соның арқасында ғана ол әлі тірі деп есептеледі»,- дейді «Ана мен бала ұлттық ғылыми орталық» АҚ дәрігері Алтыншаш Жақсыбаева.

Викторияны Ақтауда 20 тамызда ұрлап әкетіп, зорлап тастаған болатын. Сәбиді қансырап жатқан жерінен полицейлер тауып алды. Оны бірден балалар ауруханасының жансақтау бөліміне жатқызған еді. 27 тамыз күні ол Астанадағы Ана мен бала Ұлттық ғылыми орталығындағы анестезиология және жансақтау бөліміне ауыстырылды. 6 қыркүйек күні полицейлер оны зорлаған күдікті қолға түскенін хабарлады. Сот-геномдық сараптама оның қылмысқа қатысы бар екенін анықтады. 15 қыркүйек күні Викторияны қолдау мақсатында қайырымдылық шарасы өтті. Шара Виктория емделіп жатқан Ұлттық ғылыми орталықта болды.



Загрузка...

Пікір (0)

Input is not a number!
Input is not a email!
Input is not a number!