1716

Алматыда теракт ұйымдастырған Руслан Күлекбаев өлім жазасына кесілді

Алматыда теракт бойынша сот үкімі шықты.
Фотография - Алматыда теракт ұйымдастырған Руслан Күлекбаев өлім жазасына кесілді Фото: ©Алмаз Толеке

ҚР ІІМ ҚАЖД ЛА-155/18 мекемесінде Алматыдағы терактіге қатысты сот үкімі шықты. Оның басты фигуранты Руслан Күлекбаев өлім жазасына кесілді, - деп хабарлайды  Today.kz сот залынан.

Естеріңізге салайық, қазанның жиырма жетісі күні прокурор іске қатысты жаңа деректер келтірді. Сонымен қатар, ол басты фигурант Руслан Күлекбаевты өлім жазасына кесуді, ал қалғандарын ұзақ мерзімге бас бостандықтарынан айыруды сұрады. Осы күні Руслан Күлекбаевқа соңғы сөз айтуға мүмкіндік берілді. Алайда, ол сөзін Аллаға сыйынудан бастаған еді. Дегенмен, сот оны тоқтатып, істен ауытқымай, сөз сөйлеуді сұрады. Айыпталушы жасаған әрекетін қылмыс деп санамайтынын жеткізді. 

Айта кетейік,  Руслан Күлекбаевтің өзіне ғана ҚР ҚК 255 бабы "террористік акт", 99 бабының 2 пункті "Екі және олан да көп адамды өлтіру", 24 бабы "Қылмыс жасауға дайындық"; 99 бабының 2 пункті "Өлтіруге әрекеттену"; 192 бабының 4 пункті "Топ болып бұзақылық шабуыл жасау", 287 бабының 4 пункті "Заңсыз қару айналымы", 288 бабының 2 пункті "Заңсыз қару дайындау", 291 бабының 4 пункті "Қару ұрлау", 200 бабының 4 пункті "Көлік ұрлау", 126 бабының 2 пункті  "Заңсыз бостандықтан айыру" бойыынша айып тағылн еді. 

Сонымен қатар, Р. Лю Ж. Сапарбеков Е. Құсайынов, Д. Әсембекұлы, Н. Әбдімомын деген азаматтарға осы іске қатысты бірнеше айып тағылды. 

Шілденің 18 күні сағат 11:00 куәгерлер Алматының орталығында атыс басталып кеткені туралы хабарлаған болатын. Алмалы ауданы ІІБ және ҰҚКД ғимараттарына шабуыл жасалды. Оқиға теракт деп бағаланды. Тергеу болжамы бойынша, қылмыскер жалғыз өзі әрекет еткен. «Күдікті бұрын түрмеде отырған, кейін полицейлерден өшін алғысы келген»,- деп мәлімдеген еді ішкі істер министрі.