1183

Алматыда ер адамды жолдың бойында атып кеткен

Полиция қызметкерлері қылмыс жасаған күдіктілерді қолға түсірді.
Фотография - Алматыда ер адамды жолдың бойында атып кеткен Көрнекі сурет

Алматыда полиция қызметкерлері, қаланың Алатау ауданында болған оқиға кезінде, қылмыс жасаған күдіктілерді қолға түсірді. 25 қараша күні, Facebook әлеуметтік желісінің қолданушысы өзінің парақшасына, бауырының көше қиылысында өлтірілгенін жазған деп, хабарлайды Today.kz.

Қыздың айтуынша, жігіттің жол бермегенінен кісі өлімі орын алған.

Алматы қаласының ІІД кісі өліміне байланысты жағдайды растады. Дәл қазір тергеу жұмыстары жүргізіліп жатыр. Күдіктілердің жергілікті қала тұрғындары екендігі анықталды.

Олардың құрбаны болған 1982 жылы туған ер адам. Оны аң аулайтын мылтықпен атып өлтірген.

«Ұрыс-жанжал нәтижесінде екі күдікті өздерінің таныстарын өлтірген. Бұл аса ауыр қылмыс, кезекшілік тәуліктік қызмет кезінде ашылды. Күдіктілердің жеке басы туралы ақпарат бірден анықталды. Ұсталғандар уақытша қамауда. Аталмыш оқиғаға байланысты тексеру жұмыстары Алатау аудандық ІІБ тергеу бөлімінде жүргізіліп жатыр»,-деп хабарлады Алматы қаласы ІІД криминалдық полиция басқармасының басшысы Жанболат Зиадин. 

Загрузка...