874

Шымкентте жолсеріктің кесірінен жас бала қолын жарақаттап алды

Дәрігерлер бала саусағының бір бөлігін кесіп алып тастады.
Фотография - Шымкентте жолсеріктің кесірінен жас бала қолын жарақаттап алды Сурет: otyrar.kz

Шымкентте «Жолаушылар тасымалы» АҚ» жолсерігінің қауіпсіздік ережелері талаптарын сақтамауының салдарынан, жас баланың оң қолының саусағына зақым келді деп, хабарлайды Today.kz соттың баспасөз қызметіне сілтеме жасап.

Оқиға 2015 жылдың 30 қазанында Шымкент станциясында орын болды.

Сот отырысында №9 Сарыағаш - Астана поездының жолсерігі қауіпсіздік ережелері талаптарын сақтамай, баспалдақ есігін жапқан кезде, баланың қолын есік қысып қалған. Дәрігерлер баланың оң қолындағы саусағының бір бөлігін кесіп алып тастады.

Сот ақпараты бойынша, 2016 жылдың 6 мамырында «Жолаушылар тасымалы» компаниясы кінәлі болып танылды.

Астананың Сарыарқа аудандық сотына, зардап шеккен баланың анасы Ұлттық тасымалдан моральдық залал келтіргені үшін, 500 мың теңге көлемінде қаржы талап етіп, шағым түсірді. Елорданың апелляциялық сот алқасының қаулысымен, соттың бірінші инстанциясындағы шешімі өзгеріссіз қалдырылды.

Осылаша, сот шешімі заңды күшіне енді. 

Загрузка...