1355

ҚР барлық аумағындағы әскерилер Көксай шатқалында қаза болғандарды еске алды

ҚР ҚК қаза болған әскери қызметшілерді бір минут үнсіз тұрып еске алды.
Фотография - ҚР барлық аумағындағы әскерилер Көксай шатқалында қаза болғандарды еске алды Сурет ҚР Қорғаныс министрлігінің баспасөз қызметінен алынды

Қазақстан Қарулы Күштерінің барлық әскери бөлімдері мен құрамаларының жеке құрамы бір уақытта сапқа тұрғызылып, қар көшкіні салдарынан қаза болған әскери қызметшілерін бір минут үнсіздікпен еске алды деп, хабарлайды Today.kz Қорғаныс министрлігінің баспасөз қызметіне сілтеме жасап. Рәсім бір уақытта елдің барлық аумағында өтті.

Фото -

«20 ақпан күні ҚР Қорғаныс министрі генерал-полковник Сәкен Жасұзақовтың шешімімен Қазақстан Қарулы Күштерінің барлық әскери бөлімдері мен құрамаларының жеке құрамы бір уақытта сапқа тұрғызылып, 91678 әскери бөлімінің әскери қызметшілерін бір минут үнсіздікпен еске алды»,-деп хабарлады баспасөз қызметінде.

Фото -

Фото -

Көксай шатқалындағы қар көшкіні

Жамбыл облысындағы Көксай шатқалында қар көшкіні болды. Белгілі болғандай, 91678 әскери бөлімінің әскери қызметшілерінің жауынгерлік даярлық бойынша жоспарлы әскери дайындық барысында ойламаған жерден қар көшкіні жүрді. Оқу-жаттығуды орындауға барлығы 23 адам қатысқан. ТЖ салдарынан жетеуі қаза болып, 16 әскери қызметкер зардап шекті. Премьер-министр Бақытжан Сағынтаевтың Үкімімен Қорғаныс министрінің басшылығымен арнайы комиссия құрылды. ҚР Қорғаныс министрі Тараз қалалық госпитальға барып әскери қызметшілердің және қаза болған сарбаздар отбасыларының жағдайын білді. Қорғаныс министрлігінде қайтыс болған әскери қызметшілердің отбасына материалдық көмек көрсету мәселесінің шешілгендігін хабарлады. Олармен министр Жасұзақов кездесті.
Загрузка...