798

Қазақстанның үш облысында жолдар жабылды

Ақтөбе, Шығыс Қазақстан және Қарағанды облыстарындағы жолдарға қойылған шектеу сақталады.
Фотография - Қазақстанның үш облысында жолдар жабылды Көрнекі сурет

Қазақстанның үш өңіріндегі жолдар жабылды. Ақтөбе, Шығыс Қазақстан және Қарағанды облыстарындағы жолдарға қойылған шектеу сақталады деп, хабарлайды Today.kz «Қазақавтожол» РМК-ға сілтеме жасап.

ШҚО еріген қардың суынан Семей – Қайнар (8-166 шақырым) тас жолындағы барлық көлік құралдары үшін қозғалыс шектелді. 

Қарағанды облысында ауа райының қолайсыздығына байланысты Қарағанды - Балқаш (Алматы – Екатеринбор, 1007-641 шақырым) тас жолындағы барлық көлік құралдары үшін қозғалыс шектелді. 

Ақтөбе облысында қар мен боранның соғуына байланысты Қандыағаш – Ембі – Шалқар – Ырғыз (Қандыағаш – Шалқар, 0-257 шақырым) тас жолындағы барлық көлік құралдары үшін қозғалыс шектелді. 

Бұған дейін, синоптиктер Қазақстанда сәуірдің 5-і мен 7-сі күндері болатын ауа райын болжаған болатын. Республика аумағына арктикалық аймақтан суық және ылғалды ауа келіп түседі.

Загрузка...