3638

Әкімшіліктің үш қызметкері 6,4 миллион теңге парамен ұсталды

Күдіктілер 6,4 миллион теңге пара алып жатқан.
Фотография - Әкімшіліктің үш қызметкері 6,4 миллион теңге парамен ұсталды Сурет ашық дереккөзден алынды

Оңтүстік Қазақстан облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары мен ұйымның екі аудандық бөлімшесінің басшылары заңды тұлғалардан жүйелі түрде пара алды деген күдікпен ұсталды, деп хабарлайды Today.kz сыбайлас жемқорлыққа қарсы Ұлттық бюро департаментіне сілтеме жасап. Үш күдікті де сот санкциясымен қамалды. 

"Полатов, Қарақұлов және Мақатай 15 қыркүйекте кезекті рет 6,4 миллион теңге көлемінде пара алып жатқан жерлерінен ұсталды. Үшеуі де Шымкент қалалық ІІД-нің уақытша ұстау изоляторына қамалды", - делінген хабарламада. 


Департамент мәліметінше, күдіктілер "Нәтижелі жұмыспен қамтуды және жаппай кәсіпкерлікті дамытудың 2017 - 2021 жылдарға арналған бағдарламасы" мемлекеттік бағдарламасын іске асыру аясында жұмыссыз азаматтарды кәсіпке дайындау және қайта дайындау бойынша мемлекеттік сатып алу келісімшарттарын жасасу үшін заңды тұлғалардан бопсалау жолымен жүйелі түрде пара алып отырған.

Қылмыстық жоспар 2016-2017 жылдарда жасалған. Пара сомасы келісімшарт сомасының 20-дан 30 пайызға дейінгі мөлшері болған (ақшалай есептегенде 3-тен 20 миллион теңгеге дейін барған). 

Сотқа дейінгі тергеу жүргізілуде. 

Загрузка...