1391

33 жыл бойы ұсталмай жүрген қылмыскер тұтқындалды

Қарағанды полициялары 33 жыл бұрын жасалған қылмыстың бетін ашты.
Фотография - 33 жыл бойы ұсталмай жүрген қылмыскер тұтқындалды Сурет ашық дереккөзден алынды

Қарағанды полициялары 33 жыл бұрын жасалған қылмыстың бетін ашты. Бұл туралы Today.kz тілшісіне Қарағанды облысы ішкі істер Департаменті баспасөз қызметінің басшысы Бақтияр Құдияров хабарлады.

«1984 жылдың 5 шілдесінде 23 жастағы күдікті 26 жастағы әйелдің үйіне қонаққа барып, ішімдік ішкен, араларында жанжал туып, үй иесі мен оның 23 жастағы құрбысын өлтірген. Оқиға орнынан ізін суытқан күдікті қылмыс жасаған пышағын анықталмаған орынға лақтырып кеткен»,- деді Құдияров.

ІІМ қызметкерлері оқиға орнынан 11 саусақ ізін алды, оның 9-ы анықталып, екеуі анықталмады.

Күдікті жақында тәртіп сақшыларының көзіне түсіп, ішкі істер органы есебіне тіркелген еді. Сол жерден оның саусақ таңбасы алынып, базаға енгізілді.

«Полициялар саусақ таңбасын 33 жыл бұрынғы саусақ таңбасымен салыстырып, күдіктіні анықтады. Ол уақытша қамау абақтысына жабылды», - деді Бақытжан Құдияров. 

Загрузка...