824

Астанада Қуандық Бишімбаевтың соты басталды

Алдын ала тыңдалым Астана ауданаралық арнайы сотында өтіп жатыр.
Фотография - Астанада Қуандық Бишімбаевтың соты басталды Сурет: today.kz

Астанада қылмыстық істер бойынша арнайы ауданаралық сотта ҚР ұлттық экономика экс-министрі Қуандық Бишімбаевқа қатысты сот отырысы басталды, деп хабарлайды Today.kz. Сот төреші Әділхан Шайхисламовтың төрелігімен өтуде. Қылмыстық іс парақорлыққа қатысты. 

Сотталушы орындығында істің басты фигурантынан басқа 22 адам отыр. 

Естеріңізге салайық, сыбайлас жемқорлыққа қарсы Ұлттық бюро нұсқасы бойынша "Бәйтерек" холдингі АҚ басқарма басшысы Қуандық Бишімбаев қаражат жымқыру үшін қылмыстық сызба құрып, құрылыс компанияларынан пара алып отырған. Соңғы ақпарат бойынша, ол сегіз рет пара алып, бір рет бюджеттен 1,2 миллиард теңге ақша жымқырған, жеті рет "Нұрлы жол" мемлекеттік бағдарламасы аясында  346 миллион теңге пара алған. 

Қуандық Бишімбаев ұлттық экономика министрі лауазымынан 2016 жылдың соңында босатылып, пара алды деген күдікпен қамауға алынды. Тергеу жұмыстары 10 айға созылып, іс сотқа 14 қазанда жетті.