1170

Ақтауда қайнаған майды қыздың бетіне шашқан ер адам қамалды

Полиция ҚР ҚК 393 бабы "Бұзақылық" бойынша сотқа дейінгі тергеуді бастады.
Фотография - Ақтауда қайнаған майды қыздың бетіне шашқан ер адам қамалды Сурет: mgorod.kz

Асхана қызметкерінің бетіне қайнаған майды шашып жіберген күдікті уақытша қамау изоляторына қамалды. Бұл туралы Маңғыстау облыстық ІІД баспасөз қызметі хабарлады, деп жазады Today.kz.

Полиция ҚР ҚК 393 бабы "Бұзақылық" бойынша сотқа дейінгі тергеуді бастады.

20 жастағы Сымбат Қозыбай ауруханада ауыр халде жатыр. Ауруханадан шыққан соң жәбірленушіге сот-медициналық сараптама тағайындалатын болады.

"Науқас ауруханадан шыққанан кейін сот медициналық сараптама тағайындалады. Сараптама қорытындысын алғаннан кейін дене жарақатының дәрежесіне байланысты күдіктінің әрекеттеріне баға беріледі", - деді Мұнайлы аудандық ІІБ басшысының орынбасары Нұрбол Бишеханов.

Естеріңізге салайық, Маңғыстау облысында сатушының қызметіне көңілі толмаған ер адам қыздың бетіне қазанда қайнап тұрған майды шашып жіберген. Денесінің 30 пайызын күйік шалған Сымбат Қозыбайдың қазір жағдайы ауыр. Ал уайымға салынған Сымбаттың жақындарын алаңдатып отырған бұдан өзге тағы бір жағдай бар. Ол - полицияның әрекеті. Бойжеткеннің бетін адам көргісіз қылған жігіттің үстінен тек "Бұзақылық" бабы бойынша іс қозғалғандықтан, оның айыппұлмен құтылып кететініне сенімді жәбірленушінің туыстары енді прокуратурадан көмек сұрап отыр.

Загрузка...