798

Қарағандыда екі адамның өмірін жалмаған жол апаты тергеліп жатыр

Жол-көлік оқиғасын жасаған күдікті ұсталып, уақытша ұстау изоляторына қамалды.
Фотография - Қарағандыда екі адамның өмірін жалмаған жол апаты тергеліп жатыр Сурет ашық дереккөзден алынды

Қарағандыдағы екі адам қаза тапқан жол апаты тергеліп жатыр, деп хабарлайды Today.kz Қарағанды облысының ІІД баспасөз қызметіне сілтеме жасап. 

"Шахтер даңғылында болған жол-көлік оқиғасы бойынша Қазақстан Республикасы Қылмыстық Кодексінің 345 бабы 4 тармағына сәйкес сотқа дейінгі тергеу амалдары жүргізілуде. Жол-көлік оқиғасын жасаған күдікті ұсталып, уақытша ұстау изоляторына қамалды. Аталған факті бойынша тиісті сараптамалар тағайындалып, тергеу амалдары жүргізілуде", - деді облыстық ІІД баспасөз қызметі. 

Естеріңізге салайық, ағымдағы жылдың 5 қарашасында 26 жастағы Toyota Camry автокөлігінің жүргізушісі Шахтер даңғылынан Республика даңғылына бара жатқан жолда сол бағытта кетіп бара жатқан 45 жастағы азаматтың басқаруындағы ВАЗ 2107 автокөлігімен соқтығысып, кейін жолдың қарсы бетіне шығып, Mersedes benz Vita және Lexus RX 300 автокөліктерімен соқтығысқан. ВАЗ автокөлігінің жүргізушісі мен жолаушысы алған дене жарақаттарының салдарынан оқиға орнында қайтыс болды.

Загрузка...