2031

Қарағандыда 3 бала мен ер адам қаза тапқан өрт жайлы құтқарушылар айтты

Өртенген үйден екі баланы көршілері, үшінші бала мен 64 жастағы ер адамды полиция алып шықты.
Фотография - Қарағандыда 3 бала мен ер адам қаза тапқан өрт жайлы құтқарушылар айтты Көрнекі сурет

Қарағанды облысындағы Долинка ауылындағы өртенген үйден екі баланы көршілері, үшінші бала мен 64 жастағы ер адамды полиция алып шықты, деп хабарлайды Today.kz.

Қарағанды облысы ТЖД өкілі ауыр қазаға себеп болған өрт туралы айтты. 

"14 қарашада 14:12-де Шахтинск қаласына жақын жердегі Долинка ауылында өрт шыққаны туралы хабарлама келіп түсті. Өрт сөндірушілер келгенде шатыр мен бір қабатты тұрғын үйдің бес бөлмесінің бірі өртеніп жатқан. Өрт сөндірушілер келгенше жергілікті тұрғындар 2011 және 2015 жылы туған екі баланың денесін үйден алып шыққан. Оларды Долинка ауылындағы ауруханаға жеткізгенімен, дәрігерлер қайтыс болғандарын растады", - деді Қарағанды облысы ТЖ департаментінің ресми өкілі Жанна Дәуренбекова. 

2014 жылы туған үшінші бала мен 64 жастағы ер адамды үйден полиция өрт сөндірушілер келгенше тауып алған. Олар қайтыс болып кеткен. 

Өрттің жалпы көлемі 70 шаршы метр болды. 

Өрт 15:08-де ауыздықталып, 15:16-да сөндірілді. Өртті сөндіруге Қарағанды облысы ТЖД "Өрт сөндіру мен апатты-құтқару жұмыстары қызметі" мемлекеттік мекемесінің жеке құрамдағы 15 қызметкері мен 4 техника бірлігі жұмылдырылды. Өрттің неден шыққаны анықталып жатыр. Тергеу жұмыстарымен полиция айналысуда. 

14 қарашада Қарағанды облысы Долинка ауылында жеке үйдің өртенгені хабарланған еді. Екі, үш, алты жастағы үш бала мен бір ер адам қаза тапқан. 

Загрузка...