2196

Қарағандыда көлік ішінде "біреуді күтіп отырған адамның" өліп кеткені анықталды

Куәгерлердің сөзінше, ол көліктің алдыңғы орындығында қолын басына қойып отырған. Бір қарағанда "біреуді күтіп отырғандай" көрінген.
Фотография - Қарағандыда көлік ішінде "біреуді күтіп отырған адамның" өліп кеткені анықталды Сурет ашық дереккөзден алынды

Қарағандыдағы ірі сауда орталығының қызметкерлері дүкен алдындағы тұрақта тұрған көліктен адам мәйітін тауып алды. Болжам бойынша, ол көлік ішінде бірнеше күн тұрып қалған болуы мүмкін, деп хабарлайды Today.kz Instagram желісіндегі парақшаға сілтеме жасап. 

Куәгерлердің сөзінше, ол көліктің алдыңғы орындығында қолын басына қойып отырған. Бір қарағанда "біреуді күтіп отырғандай" көрінген, сондықтан оған ешкім назар салмаған. 

Сауда орталығының сатушылары көлік тұрған орында адам көп жүретінін айтты. 

"Бәріміз қоқыс тастаймыз ол жерге, біреулер темекі тартып тұрады, дәретхана да сол жерде, адам көп жүреді, тек біреуі ғана мәйітке назар аударған", - деп жазады парақша. 

Оқиға 4 желтоқсан күні таңертеңгі сағат 11-де болған. 

Загрузка...