881

Қарағандыда 700-ге жуық шахтер жалақыны көтеруді талап етіп жатыр

"АрселорМиттал Теміртау" АҚ басшылығы жалақыны көтеруді талап етіп, шахтадан көтерілуден бас тартқан кеншілермен келіссөздерді жалғастыруда.
Фотография - Қарағандыда 700-ге жуық шахтер жалақыны көтеруді талап етіп жатыр Сурет: facebook/@esenbekjh

"АрселорМиттал Теміртау" АҚ басшылығы жалақыны көтеруді талап етіп, шахтадан көтерілуден бас тартқан кеншілермен келіссөздерді жалғастыруда. Бұл туралы "Интерфакс-Қазақстан" жазды. 

"АрселорМиттал Теміртау" АҚ баспасөз қызметінің хабарлауынша, өткен түні кеншілер өз ұжымдарынан келіссөздер жүргізетін өкілдерді сайлаған.

Бастамашыл топтың құрамына барлық еңбек ұжымдарының өкілдері, "АрселорМиттал Теміртау" АҚ басшылығы, шахталар директорлары, Қарағанды облысы мен Шахтинск қаласының әкімдік өкілдері, сонымен қатар, облыстық прокуратура қызметкерлері бар.

"Шахтерлардың талаптары жаңа ұжымдық келісімшартта қарастырылған. Бастамашыл топтың негізгі талабы - жалақыны көтеру", - деп атап өтті компанияның баспасөз қызметі.

Бұрын хабарланғандай, өткен дүйсенбі күні "АрселорМиттал Теміртау" АҚ төрт шахтасының 200 кеншісі түнгі кезектен кейін шахтадан көтерілуден бас тартқан.

Загрузка...