496

Қытайда өлім жазасына кесілген қазақстандық азамат елге жеткізілді

Қытайда өлім жазасына кесілген қазақстандық азамат елге оралды.
Фотография - Қытайда өлім жазасына кесілген қазақстандық азамат елге жеткізілді Сурет: facebook.com/anuar.zhainakov

Қытайда өлім жазасына кесілген қазақстандық азамат елге оралды. Бұл туралы ҚР Сыртқы істер Министрлігі баспасөз қызметінің басшысы Әнуар Жайнақов мәлімдеді, деп хабарлайды Today.kz

"Бір сағаттай уақыт бұрын Қытайда есірткі құралдарын контрабандалағаны үшін өлім жазасына кесілген Қазақстан азаматы Үрімшіден Отанына жеткізілді. Сотталушыны Отанына қайтару процесін Қытайдағы Қазақстан елшілігі, ҚР Бас прокуратурасы және Қытай әділет Министрлігі ұйымдастырды", - деді Жайнақов. 

Ақмола облысының тумасын тәртіп сақшылары Қытайдың Гуанчжоу қаласы, Гуандун провинциясында 2009 жылы ұстады. Ол есірткі тасымалдағаны үшін өлім жазасына кесілді. 2011 жылы сот үкімі өмір бойына бас бостандығынан айыру жазасына ауыстырылды. 

Фото -

Әнуар Жайнақовтың сөзінше, қазақстандық дипломаттар мен ҚР Бас прокуратурасының қызметкерлері сотталушы азаматты Қазақстанға жеткізіп, жазасын елімізде өтеуін қамтамасыз ету жолында үлкен жұмыс атқарған. 2017 жылы Қытайдан Қазақстанға тағы төрт азамат жеткізілген. 

Загрузка...