556

Қарағандыда мас жігіт ішінде қарт кісі отырған көлікті айдап қашқан

Салонда болған қарт кісі әр жерін аздап ауыртып алыпты.
Фотография - Қарағандыда мас жігіт ішінде қарт кісі отырған көлікті айдап қашқан Көрнекі сурет

Қарағандыда 24 жастағы жігіт салонында 81 жастағы апай отырған көлікті айдап әкеткен, деп хабарлады жұмада облыстық ішкі істер департаментінің баспасөз қызметінен. Бұл туралы "Интерфакс-Қазақстан" агенттігі жазды. 

Ақпаратқа қарағанда, кеше таңертең полицияға көліктің 45 жастағы иесі хабар берген.

"Ол көліктің ішінде 81 жастағы апайдың отырғандығын айтқан", - деді баспасөз қызметінен.

Артынан белгілі болғандай, көлікті айдап кеткен жігіт ағашқа кіріп кеткен, сосын көлікті тастай салып, қашқан. Салонда болған қарт кісі әр жерін аздап ауыртып алыпты. Шұғыл іздеу шаралары барысында күдікті жігіт ұсталды. Ол мас күйінде болған.

Бұл іс бойынша республика Қылмыстық кодексінің 191 бабы бойынша сотқа дейінгі тергеу жүргізілуде, деді полициядан.