4734

Сот Ерлан Біләлдің ісіне қатысты жаңа дерек жариялады

Ерлан Біләл "Сезам" қоғамдық қайырымдылық шығармашылық қорының басшысынан 900 мың теңге алған.
Фотография - Сот Ерлан Біләлдің ісіне қатысты жаңа дерек жариялады Сурет ашық дереккөзден алынды

Мұхтар Әуезов атындағы мемлекеттік академиялық драма театрының директоры Ерлан Біләл пара алды деп айыпталып, кепілмен босатылған, деп хабарлайды Алматы қалалық сотының баспасөз қызметі Sputnik Қазақстан агенттігіне.

"2018 жылдың 9 қаңтарында Алматы қаласы №2 Медеу аудандық соты "Мұхтар Әуезов атындағы мемлекеттік академиялық драма театры" РМҚК директоры Ерлан Біләлға қатысты бұлтартпау шарасы ретінде кепілмен босатуды тағайындады", — деп хабарлады баспасөз қызметі.

Соттың мәліметінше, тергеу амалдарына сәйкес Ерлан Біләл 2017 жылдың 23 желтоқсанынан 2018 жылдың 7 қаңтарына дейін театр қойылымын бірге өткізу туралы келісім жасасқаны үшін "Сезам" қоғамдық қайырымдылық шығармашылық қорының басшысынан 900 мың теңге алды деген күдікке ілінген.

"Бұлтартпау шарасы Алматы қаласы бойынша сыбайлас жемқорлыққа қарсы іс-қимыл ұлттық бюросы департаменті тергеу тобы басшысының өтінішімен таңдалды", — деп мәлімет берді сот.

Естеріңізге сала кетейік, Мұхтар Әуезов атындағы Қазақ мемлекеттік академиялық драма театрының директоры Ерлан Біләл заңды тұлғадан театр базасынан жаңажылдық кезеңде балаларға арналған көрсетілімді өткізуге орын бергені үшін 1,5 миллион теңге көлемінде пара алмақ болған. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігінің ресми өкілі Нұрлан Жахин мәлімдеді

Продолжение

Оқыс оқиға
Сот отырысы Қуаныш Әріповтың төрағалығымен Алмалы аудандық сотында өтіп жатыр.