1868

Алматы облысында ұстазды соққыға жыққан ата-ананың баласы мектептен шығарылмайды

Алматы облысы, Боралдай ауылындағы №15 Кенен Әзірбаев атындағы орта мектепте мұғалім мен ата-ана арасында болған жағдай талқыға түсіп жатыр.
Фотография - Алматы облысында ұстазды соққыға жыққан ата-ананың баласы мектептен шығарылмайды Көрнекі сурет

Алматы облысы, Боралдай ауылындағы №15 Кенен Әзірбаев атындағы орта мектепте мұғалім мен ата-ана арасында болған жағдай қызу талқыға түсіп жатыр. Today.kz аталған орта мектепке қоңырау шалып, қазіргі жағдайды білуге тырысты. Мектеп директорының әкімдікте жиналыста болуына байланысты сұрақтарымызға директордың тәрбие жөніндегі орынбасары жауап берді. 

"Мұғалімнің денсаулығы қазір бізге белгісіз. Әріптесіміздің денсаулығы дәрігерлер мен тәртіп сақшыларының бақылауында болғандықтан, оның палатасына бізді кіргізбейді. Ал оқушыны мектептен шығармаймыз. Ол осында білім алуын жалғастыра береді. Өйткені оқушыны мектептен қууға ешқандай құқығымыз жоқ. Алайда бала да, ата-анасы да құқық қорғау органдары алдында жауап береді", - деді мектеп директорының орынбасары Нұргүл Өмірзаққызы. 

Нұргүлдің сөзінше, бұрын мектепте мұндай келеңсіз оқиға болмаған. 

Естеріңізге салай кетейік, 6 сынып оқушысы сабаққа кедергі келтіріп, артынша үйіне барып ата-анасына "мұғалім ұрды" деп шағымданған. Оқушының ата-анасы мектепке келіп, мұғалімді соққыға жыққан. 

Продолжение

Оқыс оқиға
Оқиға Іле ауданының Боралдай ауылындағы Кенен Әзірбаев атындағы орта мектепте болған.