947

Павлодарда қоқыс жәшігінен табылған сәбидің жағдайы ауыр

Дәрігерлер Павлодардағы қоқыс жәшігінен табылған сәбидің денсаулығы туралы түсініктеме берді.
Фотография - Павлодарда қоқыс жәшігінен табылған сәбидің жағдайы ауыр Көрнекі сурет

Павлодар облыстық денсаулық сақтау басқармасы басшылығының мәліметінше қоқыстан табылған сәбидің жағдайы ауыр. Шақалақ мерзімінде туған әрі оның дамуында еш кемшілік жоқ, деп хабарлайды Today.kz.

Дәрігерлер сәби шамамен 10-12 күн бұрын туылған деп отыр. Сәбиді облыстық перинатальды орталыққа жедел жәрдем жеткізген. 

Сәбидің дене температурасы 35,4 градус болған, орталыққа жұққа жапқышқа оралған күйі әкелінген. 

"Сәби перинатальды орталыққа жеткізілген соң барлық реанимациялық және емдік шарасы жасалды. Қазір сәби ауыр жағдайда. Бөбекті тамақтандырдық, барлық дене мүшесі сау. Сәбидің денесін суық алғанымен, дене температурасын бір қалыпқа келтірдік. Оның қоқыс жәшігінде қанша уақыт жатқаны белгісіз. Түні бойы сәби үшін дәрігерлер қызмет етті, сәби тірі", - дейді Павлодар облыстық денсаулық сақтау басқармасының басшысы Ораз Мұқашев. 

Басқарма басшысы қаңтардан бастап өңірде 576 ер бала дүниеге келгенін және қазір тексеріс жұмыстары жүргізіліп жатқанын жеткізді.

Айта кетейік, Павлодарда қоқыс жәшігінде жатқан сәбиді тұрғындардың тауып алғаны туралы жазған едік. 

Продолжение

Оқыс оқиға
Назира Омарованың айтуынша, бала жаялыққа шала оралған, жұқа бас киімді, үстіне жұқалау көрпешік жабылған күйде болған.
Загрузка...