1440

Қарағандыда оқушы ер адамға қалай пышақ сұққанын видеоға түсіріп алған

Танысын кезіктірген оқушы адам өлтіргенін айтып мақтанған.
Фотография - Қарағандыда оқушы ер адамға қалай пышақ сұққанын видеоға түсіріп алған Көрнекі сурет

Қарағандыда оныншы сынып оқушысы мас ер адамды ұрып-соғып, бұл әрекетін телефонының камерасына түсіріп алған, деп хабарлайды Today.kz.

Қылмыстық істің материалына сәйкес, оқушы бір қыздың үйінің қасында қызды күтіп тұрған. Подъезге кірген 47 жастағы жергілікті тұрғын оқушыны пәтеріне ішімдік ішуге шақырған. 

Телефоннан жігіттің анасының суретін көрген ер адам анасын балағаттаған. Сөйтіп жанжал басталған. 

Оқушы ер адамды ұрып тастаған. Кейін ішіне пышақ сұққан. Барлық әрекетін телефонының камерасына түсіріп алған. Одан кейін ер адамның пневматикалық қаруын тартып алып, кетіп қалған. 

Танысын кезіктірген оқушы адам өлтіргенін айтып мақтанған. Сосын телефонындағы бейнежазбаны көрсеткен. Жігіттің досы жәбірленушінің пәтеріне жедел жәрдем мен полиция шақыртқан. 

"Күдікті адам өлтіруге оқталғаны үшін кінәлі деп табылып, 7,5 жылға бас бостандығынан айырылды. Жаза кәмелеттік жасқа толмағандарға арналған қылмыстық-орындау жүйесі мекемесінде орта қауіпсіздікте өтеледі", - деді сот үкімін оқыған Қарағанды облысы арнайы мамандандырылған ауданаралық сотының төрешісі Шәріп Сейсембаев. 

Загрузка...