1552

Кішкентай қызды зорлаған Сәтпаев тұрғыны өмір бойы бас бостандығынан айырылды

Полиция қызметкерлері баланы жергілікті тұрғынның үйіне алдап кіргізіп, зорлағандығын анықтаған.
Фотография - Кішкентай қызды зорлаған Сәтпаев тұрғыны өмір бойы бас бостандығынан айырылды Көрнекі сурет

Қарағанды облысының мамандандырылған ауданаралық соты Сәтпаев қаласының 50 жастағы тұрғынына кішкентай қыз баланы зорлағандығы үшін өмір бойына түрмеде отыруға үкім шығарды, деп хабарлады соттың баспасөз қызметінен. Бұл туралы "Интерфакс-Қазақстан" агенттігі жазды. 

Істің материалдарына қарағанда, 2017 жылы шілде айында құқық қорғау органдарына бес жастағы қыз баланың жоғалып кеткендігі туралы 40 жастағы ер адам арыз берген. Полиция қызметкерлері баланы жергілікті тұрғынның үйіне алдап кіргізіп, зорлағандығын анықтаған.

Сонымен қатар, күдікті қамауға алынған соң оны конвоир соққыға жығыпты. Облыстық ішкі істер департаментінің баспасөз қызметінің ақпаратына қарағанда, полиция сержантына қатысты Қылмыстық кодекстің "қызмет бабын асыра пайдаланды" бабы бойынша сотқа дейінгі тергеу басталған. Ол полиция қызметінен шығарылып, оның басшылығы қатаң тәртіптік жауапқа тартылған. Тергеу қимылдарын жүргізген тергеуші тергеуден шеттетілген.

Загрузка...