878

Павлодар облысында ақшадан тарыққан жігіт зейнеткерлерді өлтіріп кетті

Күдікті марқұмдармен бір көшеде тұрған
Фотография - Павлодар облысында ақшадан тарыққан жігіт зейнеткерлерді өлтіріп кетті Көрнекі сурет

Павлодар облысының Майқайың ауылының тұрғыны жасы келген ерлі-зайыптыны өлтіріп кетті. Аймақтық ІІД баспасөз қызметінің мәліметінше, тұрақты жұмысы жоқ ер адам ақшадан тарығып зейнеткерлердің үйіне келген. Босағада үйдің қожайыны мен оның әйеліне бірнеше рет пышақ салған. Үйден бағалы зат таппаған ер адам банк карточкасын алып, ізін суытқан, деп хабарлайды Today.kz.

"Баянауыл ауданының Майқайың ауылындағы үйлердің бірінде 76 жастағы ер адам мен оның 78 жастағы әйелінің өлі денелері табылды. Олардың кісі қолынан өлгені анықталды. Оперативті қызмет өкілдері күдіктіні ұстады. Ол – Майқайың ауылының 27 жастағы тұрғыны болып шықты. Күдікті марқұмдармен бір көшеде тұрған", – деп хабарлады полиция. 

Қажетті сараптама тағайындалды. Қылмыстық істің тергеуі басталды. Күдікті қамауда. 

Загрузка...