605

Маңғыстау облысында ер адам баланы ұрлап кетіп, анасынан 1 миллион теңге сұраған

Сот-медициналық сараптама тағайындалды.
Фотография - Маңғыстау облысында ер адам баланы ұрлап кетіп, анасынан 1 миллион теңге сұраған Сурет: 048.ua

Маңғыстау облысында баланы ұрлаған күдікті ұсталды. Аймақтық ІІД баспасөз қызметінің мәліметінше, ер адам баланы ұрлап кеткен соң, оның жақындарынан 1 миллион теңге өтемақы талап еткен, деп хабарлайды Today.kz

"19 мамырда 15:20 шамасында азаматша өзінің ұлының ұрланғанын, ұлы үшін 1 миллион теңге өтемақы талап етіп отырғанын айтып полицияға хабарласты. Оперативті-іздеу шараларының нәтижесінде күдікті ұсталды. Ол өз ісін мойындап түсініктеме берді", – деп хабарлады полиция. 

Аталған дерек Маңғыстау облысы ІІД сотқа дейінгі тергеудің бірыңғай реестріне ҚР ҚК 125 бап, 2 бөлімі "Адам ұрлау" бойынша тіркелді. 

Сот-медициналық сараптама тағайындалды.