1825

Оралдағы сауда үйін су басып кетті, еден жуушылар суды шелекпен тасып жүр

Ашық дереккөздердің мәліметінше, алты қабаттық сауда кешені қаладағы ең танымал орындардың бірі болып табылады.
Фотография - Оралдағы сауда үйін су басып кетті, еден жуушылар суды шелекпен тасып жүр Сурет: instagram/@zhest_kz

Орал қаласындағы City Center сауда, ойын-сауық орталығының астыңғы қабатын жауыннан соң су басып кетті, деп хабарлайды Today.kz. 

Instagram желісіндегі @zhest_kz парақшасында толған суды шелекпен тасып жүрген еден жуушы қызметкерлердің видеосы жарияланды. 

 

Ашық дереккөздердің мәліметінше, алты қабаттық сауда кешені қаладағы ең танымал орындардың бірі болып табылады. 

Пікір жазған қолданушылар қызметшілер үшін алаңдап қалды, олар тоққа соғылулары мүмкін еді. Желідегі адамдар сауда үйін "Титаник" деп атауды ұсынды. 

Сәуір айында "Уральская неделя" сайты City Center-ге жүргізілген жоспардан тыс тексеріс кезінде ТЖК қызметкерлері 36 өрт сөндіру қауіпсіздігі ережесінің бұзылғанын анықтағанын жазды. Орал әкімшілік сотының шешімімен сауда орталығы 1 айға жабылды. Осы уақыт аралығында сауда үйінің басшылығы өрт сөндіру қауіпсіздігін қалпына келтіруі тиіс болған.